Tonje Aursland kjem til Hell for å fortelja om sitt liv som kulturjournalist og ufrivillig romanfigur i det store romanprosjektet til Karl Ove Knausgård.

«De fjorten årene jeg bodde i Bergen, fra 1988 til 2002 er for lengst over, det finnes ingen spor etter dem, annet enn som episoder forskjellige mennesker kanskje husker.….. » Slik opnar Karl Ove Knausgård Min kamp 5, boka frå den perioden han var gift med Tonje Aursland.

Ho kjem til Hell for å fortelja korleis det er å vera kulturjournalist og blir ettertrakta kjelde for eigne kolleger.

Tonje Aursland er kulturjournalist i Bergens Tidende, men er no mest kjent som ex-kona til Karl Ove Knausgård. Ho opplevde å bli ufrivillig romanfigur og få deler av livet sitt bretta ut.

Men sjølv om ho ikkje fekk koma til orde i romanprosjektet Min kamp, har det ikkje mangla på tilbod om å få koma med sin versjon til mediene. Tonje Aursland opplevde å bli ettertrakta og jaga kjelde for sine eigne kolleger.

Sjølv har ho valt å vera ekstremt mediesky og takka nei til alle typer intervju. Derimot laga ho radiodokumentar med sin versjon. Slik tok ho sjølv styringa når ho skulle fortelja sin historie.